ECO TOURISM

Ang Eco-Tourism ay isang prayoridad na programa na naglalayong mapangalagaan ang ating kalikasan at hindi ito lubusang masira. Upang mapanatili ang natural na kagandahan nito sa mga susunond pang mga taon. Ang pangunahing attraction sa eco-tourism ay ang mga natural na nagagandahang lugar sa Pilipinas.

Sa ating bansa ay marami ang maituturing nating kayamanan na tunay na bigay sa ating ng Maylikha, ito ay dapat nating pangalagaan at ingatan upang hindi ito masira. Tulad ng Hundred Islands, Mt. Pinatubo, Mt. Banahaw, Coron Island, El Nido at marami pang iba. Dahil sa natural na ganda ng mga lugar na ito ay naeenganyo ang mga tao na pumunta at maranasan ang kagandahan nito. Nagiging dahilan din ito upang dumami ang mga turista sa mga nasabing lugar. Malaking tulong ito  sa kabuhayan ng mga naninirahan sa ecotourism site dahil sa mga dayuhan na nagbibisita sa mga isla o lugar. 

Sa kabila ng mga dumaraming turista, ay patuloy pa rin ang kanilang pangangalaga sa mga tourist spot na ito. May organisasyon sila na nagtuturo sa mga tao bago pumunta sa nasabing lugar, pinapaalalahan nila ang bawat isa sa mga bagay na hindi nila dapat gawin. 

Ang eco-tourism ay tumutugon sa mga responsableng paglalakbay, at pagpapanatiling maayos ng kapaligiran. 

Ito ay nagtataguyod ng mga likas na lugar, hayop at anu pa man. Ang bawat isa sa atin ay may obligasyon na pangalagaan ang ating kapaligiran para sa ating ikabubuti at ng ating kalikasan.

URBANIZATION

URBANIZATION

Nalaman ko na ang Urbanization ay ang pisikal na paglaki ng mga pook na urbano dahil sa mga pagbabago sa isang lugar. Tumutukoy ito sa daloy ng mga tao mula sa mga pook na rural na tungo sa mga pook na urbano. Hindi matatatwa na ang pangunahing ugat ng iba't-ibang suliraning pangkapaligiran sa mundo ay ang patuloy na paglaki ng populasyon, dumarami ang mga tao kaya dumarami rin ang mga pangunahing kailangan nila sa likas ng yaman . Dahil dito ay maraming epekto ng naidudulot nito sa atin. Isa na dito ay ang polusyon sa hangin at tubig  , problema din sa "solid waste" ang isang masamang epekto nito sa atin, ang pagtatapon ng mga basura ay isang malaking suliranin sa halos buong bansa sa daigdig. Kapag sinusunog ang basura , dumudumi ang hangin sa lugar dulot nito ay ang pagkakaroon ng iiba't-ibang karamdaman ng mga tao.

Pero bakit nga ba naglilipat ang mga tao sa mga pook urban sa kabila ng lahat na ito? Ano ang kanilang nakita bakit gusto nilang tumira sa isang lugar tulad ng Manila kaysa mga probinsya. Sa aking natutunan ito ay dahil na din sa mga pangunahing pangangailangan ng mga tao para sa kanilang sarili. Isang dahilan dito ay ang trabaho, mas maraming oportunidad na magkatrabaho sa mga lungsod kumpara sa mga probinsya o rural areas. Ito ay dahil sa karamihan sa mga pinapatayong mga negosyo ay matatagpuan sa mga urban areas. Isa pang dahilan ay ang mga makabagong teknolohiyang na mas nakikita sa mga lungsod. Sa larangan naman ng edukasyon ay mas gusto nila na makapag-aral sa lungsod sapagkat nandoon ang mga naggagandahang mga unibersidad. Maituturing ding advance ang urban areas sa mga pagamutan at ibang isprastratura. Sa panahon din na tinatamaan ang kalamidad ang probinsya ang lungsod ang takbuhan nila at doon ay magsisismula sila ng buhay.

Sa kabila ng lahat ng ito nakatira kaman sa rural o urban areas kailangan mo na pangalagaan ang ating kapaligiran. 

HUMAN RIGHTS

HUMAN RIGHTS

Alam mo ba ang karapatan mo?

Ang Human Rights o Karapatang Pantao ay ang payak na karapatan at kalayaang nararapat na matanggap ng lahat ng tao habang siya ay nabubuhay. Karapatan nating lahat ng itrato ng naayon at maayos sapagkat tayo ay linalang ng Maylikha ng pantay-pantay. Karapatan natin na gawin kung ano ang gusto natin sa patnubay ng ating mga magulang. Karapatan nating mabuhay sa mundong ibabaw sapagkat tayo ay binigyan ng buhay ng ating Diyos upang ang lahat ng ito ay ating maranasan.

Ang kalayaan natin na magbigay ng opinyon o ideya ay karapatan natin, na magpahayag ng saloobin sa mga bagay na gusto nating malaman. Ang pantay na pagbibigay ng hustiya sa lahat ng tao, na walang nangyayaring katiwalian mayaman man ito o mahirap. Karapatan natin na ipaglaban ang ating paninindigan kung tayo ay walang ginagawang masama. Ang bawat tao ay may karapatan na mabuhay at makakuha ng trabaho ito man ay hindi nakapagtapos o walang pinag-aralan.

At bilang mga ma-aaral ay karapatan don namin na mag-aral at makatungtung sa paaralan upang maabot ang aming mga pangarap sa buhay. Marami sa mga kabataan ngayon ang hindi na nag-aaral kundi sila ay nasasabak na sa mga trabaho na wala silang alam. Ang iba naman ay napapahamak dahil nakakagaw sila ng hindi tama sa batas. 

Sa kabila ng mga Karapatang Pantao na ito ay patuloy pa rin ang pag aabuso ng mga iilan sa mga tao. Ang masakit pa dito ay nauuwi ito sa hindi magandang resulta. Tayo dapat ay magmahalan at magbigay ng respeto sa lahat upang maiwasan natin ang mga insidenteng katulad nito. 

FREEDOM OF INFORMATION

FREEDOM OF INFORMATION 

Pamilyar ka ba sa Freedom of Information ? Alam mo ba ang ibig sabihin nito? Ang Freedom of Information ay isa din sa mga naituro ng aming guro sa amin, ibinahagi niya sa amin ang kahalagahan at epekto nito sa atin.

Ang FOI ay nagsusulong na maisaayos ang pamamahala sa loob ng gobyerno. Nagpapahintulot ito ng transparency sa mga dokumento at transaksyon sa loob ng gobyerno. Tayo ay magkakaroon ng "access" sa mga nangyayari sa ating pamahalaan at maiiwasan na natin ang korapsyon. Higit sa lahat ay magiging bukas at accountable ang ating mga opisyal na namumuno, maiiwasan ng sinuman ang makagawa ng hindi tama. Bukod dito, ang publiko ay magkakaroon ng karapatan na makialam o makibahagi sa anumang gagawin ng ating mga opisyales. Dahil din dito ay madali ng makikita ng publiko ang katiwalian sa loob ng gobyerno. Kung ito man ay maipapatupad ng ating kogreso o iba pang mga namumuno sa pamahalaan ay magiging isang hakbang ito upang ang ating bansa ay maging maunlad ay mapayapa.

POLITICAL DYNASTY

POLITICAL DYNASTY

Nalalapit na naman ang eleksyon sa ating bansa. Ito ang araw na ang lahat ng Pilipino ay responsabilidad na magboto kung sila ay nasa tamang edad  na. Napakahalaga na ang bawat isa sa atin ay makiisa at makialam tuwing eleksyon.

Sa panahong ito ang pangunahing nagiging abala ay ang mga politiko na tatakbo sa kanya-kanyang posisyon na kanilang napili. Sa ating bansa ay mayroon na kabilang dito. Ano nga ba ang Political Dynasty. Ito ay pamilya ng mga politiko na masasabing kilala sa isang lugar. Na kung saan ay ang bawat miyembro ng kanilang pamilya ay nagkakaroon ng pagkakataon na maging bahagi ng sa politika. Bagamat natapos na ang termino ng isang politiko ay napapalitan ito ng miyembro ng kanilang pamilya na tatakbo ulit sa posisyon hanggang sa susunod nilang henerasyon. 

Ang mga tao ay naniniwala na ang politiko na galing sa kilalang pamilaya ay may kakayahang mamuno at tumakbo sapagkat nakikita nila na ipagpapatuloy nito ang nasimulan na ng kanilang pamilya habang nsa posisyon. 

Nalaman ko din na mayroon ng Anti- Politicl Dynasty Bo;;, nakung saan ay nakasaad ang pantay na ipirtunidad ng mga tao para tumakbo sa posisyon at pagkakataong magpartisipasyon sa politiko at mga isyu sa gobyerno. Sa bandang huli ang kailangan natin ay isang tao na responsableng mamumuno at magserbisyo ng tapat sa ating pamahalaan. 

GLOBAL WARMING

Global Warming

Nararanasan mo din ba ang maintinding init kahit na hindi pa tirik ang araw, ang biglang pagbuhos ng ulan kahit na kanina lang ay sobrang init.Kung ito man ay iyong naranasan na, dapat ay malaman mo kung ano ang sanhi nito marahil sa una tulad ko ay wala lang ito sa atin. 

Ngunit mas makakabuti kung ang bawat isa sa atin ay makialam sa problema na ating kinahaharap ngayon sa ating mundo. Ang mga nabanggit ko kanina ay  mga senyales na nagbabago na nga ang ating mundo,ito ay iilan pa lang sa ating nararanasan dahil sa "global warming" na ating tinatawag. Ang "global warming" ay unti-unting pagtaas ng temperatura sa ating mundo at maiuugnay ito sa "green house effects". 

Ito ay may malaking epekto sa ating lahat dahil sa pabago-bago ng klima(climate change) ay nagdudulot ito ng iba't- ibang karamdaman sa mga tao. Pagdagsa ng bagyo at mga kalamidad sa lugar, pagkamatay ng mga hayop at halaman na sanhi ng matindi init ngayon. Dahil na din sa mga dumaraming gusali o pabrika na pinapatayo o ipapatayo pa lamang ay nagkakaroon ng problema dala nito ang matinding usok na nanggagaling sa mga ito.Ang simpleng pagsunog at pag tapon mo ng mga plastic o basura ay malaki ang naidudulot nito ng masama sa ating mundo.  Ang global warming ay maaari nating masulusyunan kung tayo ay magtutulungan at gawin ang mga tama at nararapat para sa ating mundo. 

SDG and MDG

Sustainable Development Goals and Millenium Development Goals

Noong nakaraang sem ay na encounter ko ang salitang Sustainable and Millenium Development Goals o mas kilala sa SDG o MDG. Sa una ay hindi ko maintindihan kung ano ang gustong ipahatid nito sa amin ngunit  nalaman ko na ang dalawang ito ay malaking tulong ang maibibigay sa lahat ng mga bansa lalong-lalo na sa mga tao. Bukod pa nito ay pangunahing kagustuhan nila ay mawakasan ang kahirapan, protektahan ang mundo at mabigyan ng mas maayos at masaganang buhay ang mga tao. Ito ang mga hakbang na nais nilang maipatupad para sa ikakabubuti ng lahat, nakapaloob dito ang kwalidad ng edukasyon na dapat ay makamit ng bawat mag-aaral, gender equality para sa ating lahat, desenteng trabaho at maaayos na istruktura at hanapbuhay. Higit din sa lahat ay ang zero hunger sa bawat sulok ng mundo. Napapaloob din dito ang seguridad ng bawat isa para sa mabubuting kalalabasan. Sa aking palagay kung ang lahat ng ito ay ating maipapatupad, ay makakamit natin ang isang bansang maunlad at masaganang buhay. Maiiwasan nating ang matinding kahirapan na ating kinahaharap ngayon. Tayo ay magtulungan para sa ating kinabukasan